27 de nov. de 2017

Alumnado de Talla e Escultura en Madeira participa en "Big Valise", un proxecto da Área Educativa do Museo Thyssen


Hoxe o Faro de Vigo faise eco da participación dun grupo de alumnos da especialidade de Escultura e talla en madeira, dirixidos pola súa profesora Rosa García, nun proxecto chamado "Big Valise", que agora loce na sala 44 do Museo Thyssen dentro da exposición "Lección de Arte", que se estreou a principios de novembro e poderá gozarse ata o 28 de xaneiro. O obxectivo da mostra -comisionada polo área de educación do Thyssen- é precisamente animar ao público a que reflexione sobre o rol educativo que desempeñan os museos.

A iniciativa, do área educativa do museo, está moi vinculada a Vigo e, en concreto, a Rosa García. A docente da EMAO impulsara antes cos seus alumnos a iniciativa "As Crebas, ver onde outros só miran", que presentou como parte do colectivo Musaraña nunhas xornadas educativas celebradas no Thyssen. A proposta gustou tanto que inspirou "Big Valise", un novo proxecto, máis ambicioso e de alcance estatal, que agora loce no museo.

En "Big Valise" participaron unha decena de alumnos da Escola , que puideron deixar así a súa impronta na maleta fai xusto un ano, antes de que continuase o seu periplo por centros de toda España.
Fotos publicadas por Faro de Vigo
Carmen, Zaira e Rubén

Ningún comentario:

Publicar un comentario